Kriol

Bileez! Lan ah di free by di Kyaribeeyan see, wahn lan ful a nachral resources ahn magnificent vyooz. fan di maya mongtin ahn pain bush ah mongtin pain rij eena di wes ahn sowt chroo di rayn faris an froot aachad dong tu beeches ah Placencia ahn puta gorda. Deh gat lot ah wandaful plays fi visit eena bileez, bot wi aal shayr wan kaman baan.

Bileez da wahn byootiful konchri eena di westan Kyaribeeyan ahn da di hoam a di Mesoamerikan Bariya Reef, weh da di sekant bigis bariya reef pahn fi wi planet. Da wahn Werl Heritij sait a UNESCO. Bileez ga lata difrant kolcha. Yu ga di Maiya peepl (Kekchi, Mopan ahn Yukatek), di Garinagu, di Mesteesos ahn di Kriol peepl. Di lan a Bileez bles wid lata artifak ahn hischri weh lef bihain bai mi ansestaz ahn ada pipl weh mi haftu chravl di sayhn chrak weh wee tek tudeh da di oashan. Di Mesoamerikan Bariya Reef deh rait aaf di koas a foa konchri staatin wid Meksiko eena di naat, sowt chroo Bileez ahn  Gwatemaala, ahn ih en op eena Honduras. Di reef ga lata difrant plaant ahn animal weh liv eena di see, ahn dehn di pen pahn wan anada. Wi shuda kip dehn ting fi di fyoocha, fi di fishaman dehn ahn fi aal Bileezyan.

Dehnya difrant groop, weh ga fi dehn oan kolcha ahn langwij, noa lat bowt di plan ahn animal weh liv tugeda eena di see. Wi hafu tek advantij a weh dehn noa, lang wid weh di saiyentis noa, fi protek weh aal a wi wahn geh eena di fyoocha fahn di Kyaribeeyan See. Wi waahn yooz speshal inschrument fi teech yong pipl saiyans  soh dat dehn wahn tek chaaj a aal a dehn ting weh dehn famili di pen pahn.

Zaida MajilMareen Kansavayshan weh noh ga no Boada

Please click on the links below to see some of our work or download the 7th grade Bilingual Mangrove chapter for free.

 

Download Mangrove Chapter