Bileez! Lan a di free by di Kyaribeeyan See, wahn lan ful a nachral risors ahn lata nais nais vyoo! Fahn di Maya Mongtin ahn pain bush ahn mongtin pain rij eena di wes ahn sowt chroo di rayn faris ahn froot aachad dong tu di beech dehn ahn Plasensya ahn Punta Gorda, dehn ga lata wandaful plays fi vizit eena Bileez, bot wi aal shyaa wan kaman link.
Bileez da wahn byootiful konchri eena di westan Kyaribeeyan ahn da di hoam a di Mesoamerikan Bariya Reef, weh da di sekan bigis bariya reef pahn fi wi planet. Da wahn Werl Heritij sait a UNESCO. Bileez ga lata difrant kolcha. Yu ga di Maya peepl (Kekchi, Mopan ahn Yukatek), di Garinagu, di Mesteeso ahn di Kriol peepl. Di lan a Bileez bles wid lata artifak ahn hischri weh lef bihain bai mi ansestaz ahn ada pipl weh mi hafu chravl di sayhn chrak weh wee tek tudeh da di oashan. Di Mesoamerikan Bariya Reef deh rait aaf di koas a foa konchri staatin wid Meksiko eena di naat, sowt chroo Bileez ahn Gwatemaala, ahn ih en op eena Honduras. Di reef ga lata difrant plaant ahn animal weh liv eena di see, ahn dehn di pen pahn wan anada. Wi shuda kip dehn ting fi di fyoocha, fi di fishaz dehn ahn fi aal Bileezhan.
Dehnya difrant groop, weh ga fi dehn oan kolcha ahn langwij, noa lat bowt di plaant ahn animal dehn weh liv tugeda eena di see. Wi hafu tek advantij a weh dehn noa, lang wid weh di saiyantis noa, fi protek weh aal a wi wahn geh eena di fyoocha fahn di Kyaribeeyan See. Wi waahn yooz speshal inschrument fi teech yong pipl saiyans, soh dat dehn wahn tek chaaj a aal a dehn ting weh dehn famili di pen pahn.
Zaida Majil – Mareen Kansavayshan widowtn Boada
Please click on the image below to visit our free Digital Library and download our
1st Form bilingual Mangrove Ecosystems eBook.
