Aruba, Korsou i Boneiru. Islanan A,B,C.
E islanan A, B, C, ta eksisti pa e tres islanan, Korsou, Boneiru i Aruba. Nan tambe ta wordu jama islanan pabou di bientu. E tres islanan aki ta situa dilanti di kosta di Venezuela. E islanan ta forma un parti di Reino Hullandes, huntu ku Sint Maarten, Saba, ku Sint Eustatius.
E islanan A,B,C , tur tres situa den un area tropikal semi-arido, esei ta signifika ku tur tres isla ta hanja
Ahopi solo , pero tiki awaseru. Esei huntu ku kombinashon di bunita playa, i vegetashon inusual, i kultura interesante ta un atrahante grandi pa e tursitanan na nos islanan. Nos islanan ta komparti e klima ku un gran parti Nort di Venezuela na Estado Falcon, i na Colombia na Estado Guajira. Nan tambe ta komparti hopi dje mesun tipo di vegetashon i bestianan. E vegetashon di nos islanan ta un vegetashon ku a adapta su mes na sekura. Nos laman, ku ta un laman tropikal, tin refnan bunita di koral ku ta rondonan nos islanan kanti kosta.
E pobalshon di Boneiru i di Korsou, pa majoria ta di desendencia di Afrikano ku ta dor di esklabitud ku a tuma pasa den pasado. Pero tambe tin hopi hende di otro decendencia i hende meskla, i tambe tin basta hende for di Hullanda ku ta biba riba nos islanan. Di hendenan orginal di e termporada pre-kolonial, ku tabata biba riba nos islanan, E Arowakken ku tabata di e gurpo Caiquetio, nos no ta mira hopi bek den e poblashon di Korsou i Boneiru. Na Aruba si bo por mira klaramente den e poblashon ku hopi di nan tin decendencia di indjan.
Nos islanan tin un idioma mutuo, e idioma papiamentu, ku ta e idioma mas tantu papia na Korsou, Aruba i Boneiru den bida diario. E diferenshanan den nos idioma riba e 3 islanan, ta asina chiki ku nos por komprende otro sin problema. Hullandes tambe ta wordu usa ku hopi regularidat na Korsou, Aruba i Boneiru, i majoria di nos hendenan por komprende i papia Hullandes. Riba nos islanan hopi dje poblashon tambe ta komprende, papia i skirbi Spanjo i Ingles bon.
E laman Karibense ta rondona nos tres islanan, nos tur tres tin idioma i historia komun. E lasonan por juda nos pa konserva nos naturalesa. Nos komo grupo konveshonista ambiental ke yuda i duna e medidanan pa eduka, pa informa i familiarisa nos jubentut over dje medio ambiente i su ecosystemanan. Pa juda nos jubentut komprende e importansha pa konserva nos naturalesa. Teksto: Brian Sprock.
